Gazeta Si – Përveç rikthimit në Superiore, Skënderbeu është shpallur edhe kampion i Kategorisë së Parë. Një sukses i kompletuar për skuadrën korçare, e udhëhequr nga trajneri Ivan Gvozdenoviç.
Skënderbeu barazoi 0-0 me Lushnjën sot, në javën e fundit të kampionatit. Një rezultat që i mjaftoi për të ruajtur kreun, pasi Dinamo e vendit të dytë u mund 1-0 në fushën e Luzit. Klubi korçar përfiton kështu edhe shumën e 3 milionë lekëve nga titulli kampion.
Në Superiore ngjitet edhe Dinamo, ndërsa Flamurtari i vendit të tretë shpreson ta bëjë këtë gjë me anë të play-off-it. Rruga është e vështirë, por jo e pamundur. Vlonjatët duhet të fitojnë dy ndeshje me kundërshtarë të Kategorisë së Parë dhe në fund kanë ‘finalen’ me vendin e 8-të të Superiores, që aktualisht mbahet nga Erzeni.
Nga Kategoria e Parë kanë rënë në Kategorinë e Dytë Besëlidhja, Turbina dhe Oriku, ndërsa Tërbuni është zbritur një kategori më poshtë nga Disiplina.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.