.png)
Barcelona ka punësuar një kompani, I3 Ventures, për të krijuar opinione nëpërmjet rrjeteve sociale. Synimi kryesor ka qenë mbrojtja e reputacionit të Josep Maria Bartomeu dhe pastrimi i imazhit tij dhe të të gjithë anëtarëve të bordit dhe nga ana tjetër dëmtimi i imazhit të ish-lojtarëve, futbollistëve dhe kundërshtarëve të drejtuesve, siç zbulohet nga programi Què t'hi jugues.
Kompania e punësuar nga drejtuesit menaxhon deri në gati njëqind llogari në Twitter dhe Facebook , ku janë sulmuar personazhe si Messi, Antonela, Piqué, Guardiola, Xavi, Puyol, Laporta, Benedito, Jaume Roures, Víector Font ose Puigdemont dhe Junqueras .
Në këto llogari, për shembull, ata sulmojnë Messin për vonesën e tij në rinovimin e kontratës, Piqué për biznesin e tij me Davis Cup dhe lojtarët në përgjithësi duke hedhur akuza të ndryshme. Këto llogari datojnë në vitin 2017 dhe komentet janë të larmishme, si tek njerëzit ashtu edhe në sulmet që ata bëjnë. Qëllimi është të ruhet reputacioni i Bartomeu. Klubi i Barcelonës, sipas programit televiziv, konfirmon kontraktimin e kompanisë, shërbimet e së cilës kushtojnë një milion euro, por mohon se ka dijeni për përmbajtjen e këtyre mesazheve. Pagesa është bërë në gjashtë fatura të ndryshme.
Ky informacioni ka shkaktuar tensione të mëdha brenda klubit të Barçës. Kundërshtarët e Bartomeu, të udhëhequr nga Victor Font, kanë publikuar një deklaratë në të cilën kërkojnë shpjegime të menjëhershme nga bordi, duke konsideruar se ky është një informacion "jashtëzakonisht serioz". "Kjo fushatë denigruese, publikuar nga investigimi televiziv njollos Barcelonën , na vë në siklet si partnerë dhe përkeqëson realitetin e klubit sepse mungesa e moralit ndikon në gjendjen delikate sportive dhe ekonomike", thuhet në deklaratë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
