.png)
“Ranitidina”, ilaçi i cili është shpallur me përmbajtje kancerogjene në SHBA dhe Europë të paktën deri mesditën e kësaj të enjte shitej lirisht në Tiranë. Fotografia në krye të këtij shkrimi tregon një kupon i cili tregon orën ” në orën 13:12 minuta ditën dhe vendodhjen e farmacisë në Bulevardi “Zogu i Parë” . Medikamenti jepej me lehtësi dhe pa asnjë udhëzim as nga mjeku. Farmacisti u habit kur mësoi nga se ky medikament është kancerogjen dhe është i ndaluar të shitet edhe në Shqipëri. Vendimi kishte dal një ditë më parë në faqen zyrtare të Agjencia Kombëtare e Barnave dhe Pajisjeve Mjekësore në Shqipëri. Por vendimi i autoriteteve në Europë dhe ShBA ka të paktën 10 ditë që ka dal. Ndësra autoritet shqiptare përgjgjegjëse sic edhe i thanë gazetës e kanë nxjerrë njoftimin shumë ditë më pas dhe vetëm në faqen e tyre në web dhe facebook. Ndërkohë shumë farmaci të tjera jo vetëm në Tiranë por edhe në qytetin e Durrësit e kanë shitur lirisht medikamentin me përmbajtje kancerogjene. Shumë farmacistë i thanë gazetës se nuk kishin marrë një njoftim zyrtar nga autoritetet tona .
Ranitidina dhe Ranitali ( i cili shitet me shumicë) janë frenues të sekretimit acid që përdoren për trajtimin e ulçerave, refluksit gastroezofageal, urthit dhe tregtohet në formë tabletash, shurupi ose solucionesh të injektueshme për përdorim intravenoz. Këto ilaçe janë dy nga format më të gjendura në tregun shqiptar dhe shumica e farmacistëve kanë deklaruar se importohen në vendin tonë, vetëm nga depoja farmaceutike Profarma Sh.a. Në farmaci të ndryshme ku shkuam dhe pyetëm, produkti më i shitur për problemet e stomakut, më së shumti ishte Ranitali, pasi është një medikament që shitet edhe pa recetë mjeku dhe qytetarët mund ta marrin më lehtësisht. Ranitali është një ndër ilaçet e para që përmban “ranitidinë”, ndërkohë që formati “Ranitidinë tabletë” ishte një zgjidhje e dytë që ata ia ofronin klientëve të tyre. Dy prej farmacistëve të pyetur nga Gazeta “Si” në rrugën e Kavajës kanë deklaruar se e kanë marrë këtë njoftim para pak ditësh në portalin “Farmacisti 33”, por që e kanë shitur ilaçin “Ranitidinë”, pasi cilësia e ilaçit varet edhe nga kompania prodhuese. Administrata Amerikane e Ilaçeve dhe Ushqimit dhe Agjencia Europiane e Barnave, të cilat dhanë të parat njoftimin zyrtarë kanë urdhëruar heqjen e menjëhershme nga tregu të medikamenteve me përmbajtje të kësaj lënde, pavarësisht nga çfarë vendi dhe datë ishin prodhuar.
Ajo që bie në sy është se disa farmaci në kryeqytet e kishin marrë informacionin (prej të cilëve nuk e morëm ilaçin), me anë të një emaili nga Fondacioni i Ilaçeve dhe Ushqimit në SHBA dhe jo një njoftim konkret nga Urdhri i Farmacistit apo nga Agjencia Kombëtare e Barnave dhe Pajisjeve Mjekësore në Shqipëri. Kjo e fundit ka bërë me dije për Gazetën “Si” se ka nxjerrë këtë informacion një ditë më parë, në faqen e saj të internetit, ndërsa njoftimi konkret është dhënë përpara dhjetë ditësh nga FDA dhe EMA.
Ndryshe nga vendi ynë, institucionet kanë njoftuar në Itali dhe Greqi se prej ditësh janë ndaluar një sërë barnash që kishin bazë lëndën e “rinitidinës”, ndër to ishin edhe Buscopan, Almus, Zantac, Anidil, Zenitva, Hexal, Ulcez, Raniben, Hex, RatioPharm, Mylan dhe Ranidil shurup.
Por në Shqipëri vetëm pas mesdite pasi lajmi u përhap në rrugë informale u dha një deklaratë për shtyp nga Urdhri i Farmacistit, ku i njoftonte të gjithë farmacistët për tërheqjen e këtij medikamenti. Gazeta “Si” ka kontaktuar gjithashtu edhe me depon farmaceutike Profarma Sh.a e cila është distributor i vetëm i medikamentit, por nuk ka marrë ende një përgjigje.
Administrata e Ushqimit dhe Barnave në SHBA, që prej vitit të kaluar ka bërë me dije se ka mbikëqyrur një sërë medikamentesh të cilat kanë përmbajtje të lëndëve kancerogjene dhe janë të prodhuara në Kinë dhe Indi. Gjithashtu, administrata ka bërë me dije për mediat se ka dyshime se lëndë të tilla mund të gjenden, edhe tek medikamente të ndryshme që përdoren për hipertensionin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
