Si ushqehen Vip-at në mëngjes

Admironi format e personazheve të njohura si J.LO, Chrissy Teigen , Gwyneth Paltrow?

Këto tre femra super seksi në show bizin botëror kanë një rregull të caktuar në regjimin e tyre, po përveç kësaj një pjesë të mirë të kohës ata e kalojnë edhe në sallat e palestrave. Sidoqoftë këtë herë do ju sjellim regjimin e tyre ushqimor në vaktin e mëngjesit.

Jennifer Lopez – smoothies me proteina

J Lo pi një smoothie të shpejtë dhe të lehtë me proteina. Sipas këngëtares 48-vjeçare, e cila ka një trup të adhurueshëm, një mëngjes me proteina është mënyra më e mirë për të nisur ditën. Për përzierjen, ka shumë alternativa për ta përgatitur - disa fruta dhe zarzavate.

Chrissy Teigen – një vakt i pasur

Supermodelja Chrissy Teigen është një nga modelet që dëshmon se ato nuk jetojnë me sallatë dhe karota. Teigen ndjek një mënyrë të ushqyeri me pak karbohidrate. Ajo tregon se nuk fokusohet te kaloritë, por tek ushqimet e pasura me proteina dhe yndyra të shëndetshme. Mëngjesi ideal për Teigan është një proshutë gjeldeti dhe vezë me avokado. Ky është një opsion i mirë dhe i pasur me proteina, sipas saj, madje nëse nuk të pëlqen mishi, vezë dhe avokado është një kombinim i mirë që të ngop dhe kontrollon nivelin e sheqerit në gjak.

Gwyneth Paltrow – mëngjes i pasur me proteina

E urren apo e pëlqen, Gwyneth Paltrow është një personazh i njohur për mënyrën e shëndetshme të të ushqyerit. Sipas revistës “Shape”, Gwyneth thotë se ditën dëshiron ta nisë me shumë proteina, duke përfshirë një vezë omletë me avokado dhe bukë pa gluten. Një mëngjes i mirë për zemrën, pa yndyra dhe i pasur me proteina. Paltrow ndjek një dietë nga Frank Lipman, e cila nuk përmban gluten. Sipas saj, nëse e nis ditën me proteina, me pak karbohidrate dhe me yndyra të shëndetshme – është një mënyrë e shkëlqyer për të menaxhuar sheqerin në gjak, por edhe për të shuar urinë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.