.png)
Dy shfaqjet e Travis Scott në Londër në gusht ishin një sukses i madh, pasi në më pak se dy orë u shitën të gjitha biletat për 20 mijë vende ku një biletë kushtonte 180 euro.
Por kur ishte fjala për marzhet e fitimit, kjo ishte vetëm një pjesë e historisë. Scott gjithashtu shiti 1 milion dollarë mallra në këto koncerte duke tejkaluar një rekord të vendosur më parë nga BTS në 2019.
Fitimi i papritur i Scott-it nga kjo mall ishte pjesërisht për shkak të çmimeve ku një kapuç kushtonte 125 euro por është gjithashtu pjesë e një tendence më të gjerë.
Me të ardhurat nga transmetimi të cilat janë të papërfillshme dhe krizën e kostos së jetesës, shitjet e biletave mund të jenë pak për një artist, sidomos të atyre që nuk janë në nivelin e Scott dhe prandaj mallrat janë bërë një burim të ardhurash për artistët.
Këngëtarja dhe tekstshkruesja Liz Laërence ka prodhuar mallra për pesë vitet e fundit. Për albumin e saj më të fundit, The Avalanche, ajo ka nxjerrë në treg edhe çanta dhe bluza, dhe thotë se mallrat janë tani një pjesë kyçe e mënyrës se si ajo e bën jetesën e saj.
“Jam shumë i sigurt se e vetmja arsye që nuk humbim para janë mallrat. Tarifat për të kënduar nuk janë rritur, por gjithçka tjetër është rritur. Na duhet diçka për të mbushur boshllëkun”, thotë ajo.
Kompania në LA Bravado prodhon mallra për Scott si dhe Billie Eilish, Rolling Stones dhe Weeknd. Ceremony of Roses, e themeluar në vitin 2016 prodhon mallra për Adele, Olivia Rodrigo dhe A$AP Rocky. Sandbag, e themeluar në MB në 2002 me Radiohead klientin e tyre të parë, kanë punuar me BTS, Abba dhe Justice.
Jordan Gaster, kreu i A&R në Sandbag, thotë se mallrat janë bërë shumë më prioritare në dekadën e fundit.
"Artistët po fitojnë më shumë para në mallrat e tyre sesa nga një këngë".
Kjo u përforcua gjatë pandemisë kur fluksi i të ardhurave nga koncertet live u zhduk. Everpress, një treg ku krijuesit shesin prodhime të kufizuara mallrash dhe printojnë vetëm ato që porositen, raportoi se shitjet janë dyfishuar në pandemi dhe vlerëson se rreth 25% e bluzave që shet janë nga muzikantë ose kompani diskografike.
Gjatë 10 viteve të fundit, markat duke përfshirë Balenciaga, Louis Vuitton dhe Acne kanë përfshirë versione shumë të shtrenjta të bluzave të grupeve në koleksionet e tyre të pasarelave. Metallica bashkëpunoi me Netflix në një T-shirt duke kombinuar logon e tyre me atë të Hellfire Club nga Stranger Things.
Daniel-Yaw Miller, bashkëpunëtor editorial në “The Business of Fashion”, thotë se mallrat nuk kanë të bëjnë vetëm me muzikën, por edhe me sportin dhe madje edhe me automobila, “si kompanitë e makinave që nxjerrin në treg një palë atlete 450 dollarëshe”.
Por mallrat janë gjithashtu "një pjesë legjitime e modës tani", thotë ai.
“Kompanitë po shesin produkte që t'i veshin fansat dhe kjo nuk është më e çuditshme. Tani është diçka interesante ta kesh një logo në bluzë ose në këpucë”.
"Muzikantët nuk kanë qenë kurrë më me ndikim kulturor", thotë Derek Morrison, stilist.
Por ky trend ka qenë prej kohësh në mesin tonë.
The Rolling Stones filluan të shesin bluza me motive nga grupi që në vitin 1971.
Një T-shirt nga turneu i parë i grupit, me një zinxhir si ai në kopertinën e albumit, është aktualisht në shitje në eBay për 685 paund.
Në vitet 70’ trendi mori një kthesë tjetër. Duke qenë se të gjithë po mundoheshin të bënin pjesë tyren edhe produkte, njerëzit filluan ti quanin “banda bluzash” pasi thonin se grupe të ndryshme janë më të njohur për shkak të bluzave sesa të muzikës së tyre.
Por shpejt kjo ide u zhduk se tani artistë si Beyoncé, Billie Eilish, Justin Bieber dhe Frank Ocean i kanë bërë mallrat një pjesë qendrore të emrit të tyre, dhe shumë kanë gjithashtu markat e tyre të modës.
Miller thotë se, për fansat, veshja e diçkaje të krijuar nga idhulli i tyre mbetet e parezistueshme.
“Kur e do një artist, dëshiron të kesh një pjesë të tij me vete, në mënyrë që të mund të lidheni disi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
