.png)
Gazeta Si - Seanca gjyqësore që ishte përcaktuar të mbahej sot në lidhje me kryebashkiakun e zgjedhur të Bashkisë Himarë, Fredi Belerin, është shtyrë për në datën 24 tetor, në orën 11:00.
Mësohet se shkak i shtyrjes së seancës gjyqësore, ishte kërkesa e njohjes me dosjen nga ana e gjyqtares së caktuar me short, Flora Hajredinaj, e cila zëvendësoi kolegen Etleva Deda.
Fredi Beleri, i akuzuar për korrupsion në zgjedhje, nuk ishte i pranishëm në sallën e gjyqit këtë të martë, ndërsa nuk munguan përfaqësues të ambasadës greke në Tiranë.
Prej 14 shtatorit, procesi për Belerin nuk është hapur ende. As SPAK as avokatët e Fredi Belerit nuk kanë dëgjuar provat e Prokurorisë nga njëra anë por dhe mbi pafajësinë që këmbëngul kryebashkiaku i Himarës, i zgjedhur por ende jo i betuar në detyrë.
Ai ka depozituar një kërkesë në Gjykatën e Lartë ku kërkon të betohet dhe të njihet dhe të shkojë në krye të detyrës.
Fredi Beleri akuzohet për korrupsion zgjedhor, ku pagoi një qytetar i cili dëshmoi se mori para dhe ia dha qytetarëve në këmbim të votave. Beteja do të vazhdojë e fortë dhe nën syrin e diplomacisë grekëve që kanë qenë të pranishëm në çdo seancë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
