.png)
Gazeta Si – Për herë të parë një futbollisti i Kombëtares shqiptare shkon në finalen e Ligës së Kampionëve, kompeticionit më të rëndësishëm në rang klubesh. Kristjan Asllani, edhe pse nuk është faktor në fushë, po e shijon në maksimumin këtë moment magjik me Interin.
Mesfushori shqiptar nuk luajti në gjysmëfinalen e kthimit me Milanin asnjë minutë. Megjithatë, gëzimi për kualifikimin në finalen e Stambollit ishte i madh. Pas ndeshjes, Asllani ka festuar me ekipin, tifozët dhe familjarët e tij, ku nuk munguan as fotot e rastit.
Futbollisti 21-vjeçar regjistron kështu një arritje të madhe në nivel profesional që në sezonin e parë me Interin, pavarësisht se në aspektin personal gjërat nuk kanë shkuar ashtu siç ai donte. Edhe nga stoli, apo me ato pak minuta që i jep trajneri Inzagi, ai mund të rritet dhe më pas të jetë protagonist në fushë me fanellën zikaltër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
