Qytetarët shqiptarë, biznese a individë, shumë shpejt do të paguajnë tarifë shërbimi kudo ku rrotat e automjeteve të tyre prekin rrugët.
Ministri i Infrastrukturës Damian Gjiknuri është shprehur në Komisionin e Ekonomisë se “Mirëmbajtja e rrugës Tiranë- Elbasan aktualisht do bëhet me një kontratë të posaçme, nga një kompani private. Kostot e mirëmbajtjes janë të larta ndaj ka ardhur momenti që përdoruesit e rrugës të kontribuojnë.
“Kostoja e rrugës ka shkuar 450 milionë dollarë, nga 312 që ka qenë e parashikuar”, tha ministri.
Sipas tij duhen rreth 50 milionë dollarë për mirëmbajtjen e rrjetit rrugor në vend.
Ministri u shpreh gjatë raportimit në kuvend se pasi të kenë përfunduar të gjitha punimet autostrada e re Tiranë-Elbasan do të bëhet me pagesë, por jo vetëm, ajo.
“Nëse marrëveshja e kredisë do të hynte në fuqi menjëherë do të favorizonte shumë punimet”- tha Gjiknuri.
Deputetët në komision u shprehën të shqetësuar për kostot që po krijojnë rrugët e reja tek qytetarët nëpërmjet pagesave të drejtpërdrejta.
Deputeti i Anastas Angjeli kërkoi hetime nga prokuroria, se pse kostot në dy autostradat e reja janë rritur në mënyrë marramendëse që kur ka nisur zbatimi i kontratave.
Kurse deputeti Erion Brace kërkoi transparencë për të gjitha fondet që janë shpenzuar për ndërtimin e Rrugës së Kombit e cila nuk ka përfunduar ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.