Gazeta Si- Ministrja e Arsimit dhe Sportit Evis Kushi priti në një takim në zyrën e saj zv. Ministrin Grek të Arsimit dhe Çështjeve Fetare Evangelos Syrigos dhe Ambasadoren e Greqisë në Shqipëri Sophia Philippidou.
Gjatë këtij takimi u diskutua rreth finalizimit së shpejti të marrëveshjes së bashkëpunimit në fushën e njohjes reciproke të diplomave dhe gradave shkencore të lëshuara nga institucionet e arsimit të lartë dhe institucionet e tjera të autorizuara.
Në një status në rrjetet sociale Ministrja Kushi nënvizon se gjatë diskutimit ajo ka theksuar gjithashtu edhe vëmendjen që Ministria e Arsimit dhe Sportit po i kushton shkollave të minoritetit grek në lidhje me kurrikulat, programet, tekstet mësimore, si dhe përmirësimin e infrastrukturës arsimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.