.png)
Maks Vershtapen është mirë, ka dalë në mbrëmje nga spitali i Koventrit. Pasi ka falënderuar mjekët për kujdesin që treguan ndaj tij, holandezi ka shpërthyer ndaj Ljuis Hemiltonit, duke i konsideruar festimet e tij për fitoren në Silverston pa respekt dhe antisportive, në një moment kur rivali i tij ndodhej në spital.
Verstappen out after crash with Hamilton #f1 #silverstone pic.twitter.com/L4pEZUOnm9
— Henrique Jasper (@hhenriquejasper) July 18, 2021
Në xhiron e parë të garës së Silvertonit, Hemilton ishte protagonist i një kontakti me Maks Vershtapen, çka i kushtoi këtij të fundit përplasjen me barrierat dhe tërheqjen nga gara. Kampioni i botës, që u penalizua me 10 sekonda, tha pas garës së ishte treguar pak agresiv, por sipas tij, ia kishte lënë Vershtapenit hapësirën. Nuk janë dakord me këtë variant te Red Bull-i, ku veprimi i Hemiltonit është konsideruar i rrezikshëm.
Vetë Vershtapen, më shumë se me incidentin, e ka inatin me sjelljen e anglezit pas garës. Vershtapen ka bërë një postim në rrjetet sociale, ku e sulmon ashpër rivalin e tij. “Jam i lumtur, sepse jam mirë, por jam i zhgënjyer për mënyrën si u nxora jashtë gare.
Glad I’m ok. Very disappointed with being taken out like this. The penalty given does not help us and doesn’t do justice to the dangerous move Lewis made on track. Watching the celebrations while still in hospital is disrespectful and unsportsmanlike behavior but we move on pic.twitter.com/iCrgyYWYkm
— Max Verstappen (@Max33Verstappen) July 18, 2021
Penalizimi nuk na ka ndihmuar në asnjë mënyrë dhe nuk veri drejtësi për manovrën e rrezikshme të Ljuisit në pistë. Po shikoja nga spitali festimet e tij, ishte mungesë respekti, një sjellje antisportive, por ecim përpara”, - ka shkruar Vershtapen, i cili vazhdon të udhëheqë renditjen e pilotëve në Formula 1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
