GJykata kundër korrupsionit dhe krimit të organizuar ka dënuar me 1 vit e 6 muaj burg ish-kryebashkiakun e Fushë-Arrëzit, Fran Tuci. Ky i fundit akuzohet për shpërdorim detyre.
Për shkak të gjykimit të shkurtuar, Tucit i reduktohet dënimi në 1 vit burg.
GJKKO ka caktuar ndaj Tucit edhe një dënim plotësues, ai për heqjen e te drejtes për të ushtruar funksione publike për 5 vite.
Tuci akuzohet për ‘shpërdorim detyre’ dhe ‘shkatërrim prone’, për një leje lëshuar për një rruge në një fshat të thellë të kësaj njësie.
Vlerësimet e Inspektoratit të Mbrojtjes së Territorit flasin për një dëm prej më shumë se 2 milionë euro, të shkaktuar nga dëmtimi i terrenit dhe shpyllëzimi i sipërfaqes nga e cila është përfituar rruga e hapur privatisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.