Shpallet djathi më i mirë në botë, me shije dhe pamje perfekte

Djathi ‘Nidelven Bla’ nga prodhuesi i djathit Gangstad Gardsysteri në Norvegji është shpallur më i miri në konkursin më të madh të djathit në botë.

Organizuar nga Guild of Fine Food, World Cheese Awards, tashmë në edicionin e 35-të, pa ekspertë nga e gjithë bota të bashkojnë forcat për të kurorëzuar kampionin e këtij viti.

Dhe 2023 shënoi një vit rekord për konkursin, me 4,502 djathëra, numri më i lartë ndonjëherë, të mbërritur "me varkë, kamion, tren dhe aeroplan" për t'u gjykuar nga një panel ekspertësh të djathit.

Pas një dite të gjatë diskutimesh, fituesi i këtij viti u zgjodh më në fund para një audiencë të drejtpërdrejtë nga një "super juri", duke përfshirë Ambasadorin e Kulturës Ushqimore në Ëhole Foods Market në SHBA.

“Ne jemi një fermë e vogël qumështore vetëm dy orë larg nga këtu, kështu që kjo do të thotë shumë për ne dhe të kesh të gjithë ekuipazhin këtu i shton një vlerë shtesë kësaj fitoreje” tha Maren Gangstadt, menaxher i përgjithshëm i Gangstadt Gardsysteri, në një deklaratë.

Gjyqtarët ishin të mahnitur nga Nidelven Bla, djathë gjysmë i ngurtë, me myk blu, i bërë me qumësht lope.

Një gjyqtar e quajti atë "djathi blu i përsosur".

Një tjetër vuri në dukje ekuilibrin e tij dhe tha se është perfekt në shije.

Djathëra nga e gjithë bota

Djathi fitues kishte një konkurencë nga e gjithë bota.

“Konkurrenca është gjithmonë e ashpër në World Cheese Awards. Efektivisht, ne kemi mbi 40 vende të ndryshme që konkurrojnë”, tha John Farrand, drejtor i World Cheese Awards.

Procedurat nisën në arenën e brendshme të Trondheim Spektrum kur paneli i përbërë nga 264 ekspertë kryesorë të djathit, filluan të vlerësonin midis 40 deri në 50 djathëra në rreth 100 tavolina, duke punuar në ekipe prej dy deri në tre.

"Ajo që ne u kërkojmë atyre të bëjnë është të vlerësojnë aspektet vizuale të djathit dhe më pas aromën e djathit”, thotë Farrand.

Pasi secili grup kishte arritur në një mendim, u zgjodhën 16 finalistët ku djathi norvegjez doli fitues.

Vendi pritës Norvegjia kishte numrin më të lartë të hyrjeve, 293 këtë vit.

Sipas Farrand, World Cheese Awards është rritur nga afërsisht 250 hyrje kur filloi në 1988, në 4502 aplikime nga 43 vende të ndryshme anembanë botës këtë vit.

“Kemi marrë disa djathra vërtet interesantë këtë vit nga India dhe Japonia që janë lejuar vetëm kohët e fundit, në dy ose tre vitet e fundit, në çmime.

Në vitin 2022, çmimi i lakmuar shkoi për prodhuesin zviceran të djathit Vorderfultigen.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.