.png)
Gazeta Si – Skuadrat shqiptare që marrin pjesën në Kupat e Europës kanë mësuar sot edhe kundërshtarët e turit të dytë, sipas kompeticioneve. Nëse eliminon bjellorusët e Bate Borisovit, Partizani, ekipi ynë kampion, përballet me Aris Limasol të Qipros në turin e dytë eliminator të Ligës së Kampionëve.
Një short i pranueshëm për Partizanin, që ka mundësi reale për ta kaluar turin e parë, pasi bjellorueset janë një kundërshtar i kalueshëm. Nëse të kuqtë eliminohen në turin e parë, kalojnë në turin e dytë të Ligës së Konferencës. Në këtë rast Partizani do të ndeeshej me fituesin e çiftit Atletic Club D’Escaldes-Budoçnost.
Tirana ndërkohë, nëse kalon turin e parë eliminator të Ligës së Konferencës, do të ndeshet më pas me gjigantët turq të Beshiktashit. Kuptohet që për bardheblutë do të jetë një mision shumë i vështirë.
Egnatia, nëse kalon armenët e Ararat, do të sfidojë më pas ekipin e Arisit, kurse Vlalznia, po të kualifikohet ndaj irlandezëve të Lienfield, do të përplaset në turin e dytë me polakët e Pogon Szczecin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
