.png)
Takimi i paralajmëruar për të hënën mes kryenegociatorëve të Kosovës dhe Serbisë është shtyrë.
“Shkaku i kujdesit lidhur me COVID-19, takimi në kuadër të dialogut, i caktuar për të hënën do të shtyhet”, njoftoi përmes Twitterit, i dërguari i posaçëm i BE-së për dialogun, Miroslav Lajçak.
Lajçak nuk njoftoi një datë të dytë se kur do të mbahet takimi.
Pak ditë më parë, Lajçak lajmëroi se të hënën do të zhvillohej takimi midis shefave të dy ekipeve negociatore, Skënder Hyseni dhe Marko Gjuriq.
Shtyrja e takimit përkon edhe më një sërë arrestimesh në Kosovë ditën e premte, kur EULEX bastisi zyrat e Organizatës së Veteranëve të Luftës së Ushtrisë Çlirimtare të Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
