Gadishulli i Ballkanit është në ndikimin e shtjellës ciklonike e pozicionuar në detin Jon, e cila ka sjelle reshje shiu intensive në vendin tonë. Reshjet e shiut do të jene me aktivitet kryesor, në pjesën e dyte të ditës në jug të vendit. Kjo gjendje ka ndikuar edhe në pezullimin e lundrimit detar në vendin tonë. Trageti i linjës Vlorë-Brindizi nuk do të niset sot drejt Italisë, pasi deti me dallgë deri në 6-7 ballë e bën të pamundur lëvizjen e tij. Gjithashtu edhe anijet e vogla janë njoftuar të mos dalin në det. Nga ana tjetër, duket se stuhia Andrea do të përqendrohet në të gjithë rajonin, duke shkaktuar reshje të mëdha me sasi 50 deri në 80 milimetra në mete katror. Mendohet se qyteti i Shkupit është më i rrezikuari, kështu që Dushko Veskovski drejtori i NP “Ujësjellësi dhe kanalizimi” do të mbajtën mbledhje ditën e sotme për të diskutuar rreth masave që duhen marrë për këtë situatë.
“Apelojmë për lëvizje me kujdes afër rrjedhave të ujit dhe kanaleve të thata, në pjesët e skajshme perëndimore, jugperëndim dhe veriperëndim, ku ekziston mundësi për derdhje lokale dhe paraqitje e mundshme e rrëshqitjeve të dheut dhe erozionit, veçanërisht në aksin rrugor Mavrovë-Dibër-Strugë. Krahas këtyre rajoneve, vëmendje të veçantë mundësi të shfaqen derdhje lokale duhet t’iu kushtohet grykave rreth malit Kozhuv dhe zonës Gjevgjeli-Vallandovë,” shprehet më tej ai në deklaratën publike. Ky distabilitet i motit do të na shoqërorë deri ditën e Enjte ku temperaturat do të pësojnë rënie graduale. Nga dita e Premte do të filloje përmirësim gradual i motit, reshjet do të mbeten të pakta në zonat malore. Temperatruat do të jenë me rritje graduale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.