.png)
Ambasada Amerikane në Tiranë ka uruar zgjedhjen e Aida Hajnajt në krye të Byrosë Kombëtare të Hetimit, duke e cilësuar këtë zhvillim si një tjeyër hap të rëndësishëm të reformës në drejtësi.
“Kjo është një piketë historike në zbatimin e Reformës në Drejtësi. Reforma në Drejtësi nuk do të jetë e lehtë, e shpejtë apo e përsosur, por është e nevojshme, po ecën përpara dhe duhet të vazhdojë. Vendimet e sotme tregojnë se pavarësisht pengesave, Reforma në Drejtësi po bëhet realitet, thuhet në deklaratë.
SHBA mendon se mee emërimin e Drejtores së re të BKH-së, të gjitha institucionet e parashikuara nga Reforma në Drejtësi tashmë janë ngritur dhe tashmë pret rezultate në luftën kundër krimit të organizuar dhe korrupsionit.
“Të dyja institucionet që përbëjnë SPAK – Zyra e Prokurorisë së Posaçme dhe BKH – tashmë janë themeluar. Rezultatet do të mbërrijnë, ngadalë por është e sigurt”, thotë SHBA.
BKH do të trajnohet nga FBI-ja amerikane dhe tani do të fillojë rekrutimin e rreth 60 hetuesve.
“Ne u bëjmë thirrje kandidatëve të palodhur dhe të ndershëm që të bashkohen në radhët e BKH-së, nën udhëheqjen e Drejtores Hajnaj”, deklaron Ambasada.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
