Shtetet e Bashkuara të Amerikës kërkojnë detaje të rrjeteve sociale të aplikuesve për viza amerikane. Rregullorja e Departamentit të Shtetit thotë se aplikantët do të duhet të paraqesin të gjitha detajet e rrjeteve të tyre sociale, duke filluar nga emrat e rrjeteve të tyre sociale si dhe adresat e e-mailit apo numrat e telefonit.
Disa aplikantë të vizave diplomatike do të përjashtohen nga masat e reja. Pra, qytetarët që do të udhëtojnë në SHBA për të punuar ose për të studiuar do të duhet të dorëzojnë informacionin e tyre.
“Ne jemi vazhdimisht duke punuar për të gjetur mekanizma për të përmirësuar proceset tona të shqyrtimit për të mbrojtur qytetarët amerikanë, duke mbështetur udhëtimin e ligjshëm në Shtetet e Bashkuara”, thekson Departamenti Amerikan i Shtetit.
Më parë, vetëm aplikantët që kishin nevojë për verifikime shtesë, siç janë personat që kishin qenë në pjesë të botës të kontrolluara nga grupet terroriste, duhet t’i dorëzonin këto të dhëna.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.