.png)
Pasi siguroi mijëra doza nga tre vaksinat Pfizer, Sputnik dhe SinoPharm, Serbia nis të martën vaksinimin masiv të popullsisë.
Lajmi është njoftuar nga Kryeministrja Ana Bërnabiç. Vaksinimi përfshin mësuesit, punonjësit e ushtrisë, të Ministrisë së Brendshme dhe punonjësit e medias. Bërnabiç tha se përfaqësuesit e medias ishin përfshirë në këtë kategori me kërkesën e Presidentit Aleksandër Vuçiç.
“Nga nesër fillon vaksinimi masiv i popullsisë. Ftojmë qytetarët që të aplikojnë dhe regjistrohen për t’u vaksinuar sa më shumë që të jetë e mundur”, tha Kryeministrja serbe në një deklaratë për mediat.
Bërnabiç tha se objektivi i qeverisë është që falë vaksinimit të popullsisë brenda këtij viti vendi t’i rikthehet normalitetit.
Serbia ka miratuar për përdorim në vend tre vaksina; rusen Sputnik V, vaksinën e kompanisë Pfizer/BioNTech dhe vaksinën kineze Sinopharm, ndërkohë që brenda dy muajve synon që të fusë në treg edhe vaksinat e AstraZenecas dhe Modernas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
