Gazeta Si - Pas raportimeve kërcënuese për bomba në shkollat fillore të Beogradit, pasditen e 16 majit pati kërcënime të reja.
Këtë herë, ashtu siç raporton REL, u tha se ishin vendosur bomba në urat në Beograd, si dhe në qendrën tregtare “Stadiumi” (Stadion), konfirmoi Ministria e Punëve të Brendshme për Radio Televizionin e Serbisë (RTS).
Ministria e Punëve të Brendshme e Serbisë, tha se Ura e Brankos, Ura e Gazelës, Ura e re hekurudhore, si dhe Ura e Pançevës, janë ndër lokacionet ku janë marrë raportimet për bomba.
Raportimi për bombë ka arritur edhe në qendrën tregtare “Stadiumi” në Beograd, ku në orën 16:30 do të luhej ndeshja mes KF Vozhdovcit dhe KF Partizanit.
Raportimet për bombat e vendosura kanë arritur në mëngjesin e 16 majit, në 97 shkolla fillore dhe të mesme të Beogradit.
Ndërkaq, pas verifikimeve në një numër të madh shkollash është konstatuar se kërcënimet ishin të rreme, njoftoi Ministria e Arsimit e Serbisë.
Nxënësit janë kthyer në mësime, ndërsa në shkollat, ku ende vazhdon inspektimi i sigurisë, nxënësit janë dërguar në shtëpi, thuhet në komunikatën e ministrisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.