.png)
Gazeta Si – Juventusit nuk po i ecën me skuadrat e shqiptarëve. Pas humbjes me Lacion e Elseid Hysajt javën e kaluar, skuadra e Alegrit u mund sot edhe nga Sasuolo e Nedim Bajramit, me rezultatin 1-0.
Fantazisti i Kombëtares e nisi ndeshjen titullar dhe qëndroi në fushë deri në minutën e 78-të, duke bërë një paraqitje të nivelit mesatar, të vlerësuar me notën 6. Bajrami ishte ekzekutuesi i thuajse të gjitha goditjeve standarde për Sasuolon.
Goli që vendoi ndeshjen u shënua në minutën e 65 nga Defrel. Me këtë fitore Sasuolo është ngjitur në kuotën e 40 pikëve dhe mban vendin e 10-të në renditjen e Serisë A. Juventusi ka 4 pikë më shumë dhe mban vendin e 7-të, ndërsa dy humbjet e fundit i kanë prishur jo pak planet e klubit bardhezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
