Përplasja e vazhdueshme me Shtetet e Bashkuara të Amerikës po e shtyn Turqinë gjithnjë e më shumë drejt aleatëve të saj të rinj, si Rusia dhe Irani.
Si me Moskën, ashtu edhe me Teheranin, Ankaraja ka gjetur gjuhën e bashkëpunimit sa i takon konfliktit në Siri dhe nën këtë shembull nuk përjashton bashkëpunime të reja me të dyja këto vende.
E përbashkëta e Rusisë dhe Iranit, veç kendvështrimit të njëjtë për Sirinë dhe Bashar al-Assad janë edhe sanksionet amerikane. Turqia u është bashkuar pjesërisht këtyre sanksioneve, por së fundmi paralajmëron braktisjen totale të qëndrimit në krah të SHBA-së.
Ministri i Tregtisë në Turqi, Ruhsar Pekcan tha të shtunën se Turqia do të jetë në mesin e tetë shteteve që do të tërheqë sanksionet e Shteteve të Bashkuara kundër Iranit, por është në pritje të vendimit përfundimar që do të merret të hënën nga administrata e Donald Trump për të dalë me një qëndrim më të plotë.
Turqia, anëtare e NATO-s, varet nga importet për të përmbushur nevojat e energjisë dhe Irani ka qenë një nga burimet e naftës për shkak të ofertës më të mirë dhe kualitetit.
Reuters thotë se Turqia ka bërë përpjekje për të ulur tregtinë me Iranin për t’u paraprirë sanksioneve të SHBA-së, por do të preferonte që të ruante pa ndryshuar importin e disa produkteve, siç është nafta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
