.png)
Gazeta Si - Një djalë 13-vjeçar, i cili ishte në mesin e pesë personave, përfshirë dy oficerë policie, të goditur me thikë pranë stacionit të metrosë Hainault në veri-lindje të Londrës sot, ka vdekur nga plagët e marra në spital.
Sipas BBC, oficerët u lajmëruan rreth orës 7 të mëngjesit. Kryeministri britanik Rishi Sunak foli për një "incident tronditës" dhe tha se ishte "pranë me viktimat e të plagosurit dhe familjet e tyre". Katër personat e tjerë të plagosur janë ende në spital.
Një dëshmitar, i cituar nga mediat britanike, raportoi se kishte parë një burrë "duke vrapuar me një shpatë samurai": ai "kishte therur me thikë katër persona pasi përplasi furgonin e tij në një shtëpi".
Policia e Londrës më vonë konfirmoi se një 36-vjeçar u arrestua në vendngjarje dhe tani ndodhet në paraburgim.
“Ne nuk besojmë se ka ndonjë kërcënim të vazhdueshëm për komunitetin në tërësi. Nuk po kërkojmë asnjë të dyshuar tjetër. Ky incident nuk rezulton të ketë lidhje me ngjarje terroriste”, saktësoi policia.
Një video që tregon një burrë të armatosur në Laing Close, afër stacionit të metrosë, u shpërnda në mediat sociale dhe u bë virale. Transporti për Londrën (TfL) tha se stacioni i metrosë Hainault London ishte mbyllur.
“Ai vazhdoi të sulmonte kalimtarët e rastësishëm dhe dy oficerë policie”, njoftuan forcat londineze të rendit.
I dyshuari, i moshës 36-vjeçare është arrestuar dhe ndodhet në paraburgim. Sipas policisë, incidenti nuk duket të jetë i lidhur me akt terrorist.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
