Gazeta Si - GJKKO ka vendosur ta shqyrtojë kërkesën e ish-kryeministrit Sali Berisha për ndryshim të masës së sigurisë më datën 4 mars në orën 11:00.
Seanca e të martës, 27 shkurt, u shty për shkak se gjyqtarja Irena Beqiraj ishte në një proces tjetër, i cili zgjati përtej përfundimit të orarit zyrtar të punës në gjykatë.
Berisha kërkoi heqjen e masës së sigurisë “arrest në shtëpi”. Ai ndodhet në këtë masë që prej 30 dhjetorit të vitit 2023, pasi është i dyshuar për korrupsion në çështjen e privatizimit të ish-kompleksit sportiv "Partizani".
Sipas SPAK, ish-kryeministri dyshohet se ka favorizuar dhëndrin e tij Jamarbër Malltezi, i cili njësoj si Berisha po mbahet në "arrest shtëpie" për akuzën e korrupsionit aktiv dhe pastrimit të parave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.