.png)
Gazeta Si – Karlos Sainz nuk do të garojë në Çmimin e Madh të Arabisë Saudite. Spanjolli duhet të kryejë një operacion për apendicitin, kështu që e ka humbur garën e dytë të Botërorit 2024.
Lajmi është konfirmuar nga Ferrari me një postim në rrjetet sociale, ku bën të ditur gjendjen shëndetësore të Sainz. Ai kishte ndjerë shqetësime të mërkurën e 6 marsit dhe sot është bërë me dije se duhet t’i nënshtrohet ndërhyrjes kirurgjikale.
Vendin e spanjollit do ta marrë piloti rezervë Oliver Bearman, që në këtë mënyrë nuk do të marrë pjesë në garat e Formula 2. Piloti anglez, i vitlindjes 2005, është produkt i ‘Driver Academy’ të Ferrarit.
Carlos Sainz has been diagnosed with appendicitis and will require surgery.
— Scuderia Ferrari (@ScuderiaFerrari) March 8, 2024
As from FP3 and for the rest of this weekend, he will be replaced by reserve driver Oliver Bearman. Oliver will therefore take no further part in this round of the F2 Championship.
The Ferrari family… pic.twitter.com/zePBeZlJED
Ferrari shpreson që Karlos Sainz të rikuperohet për garën e ardhshme në Australi, më 28 mars, por sigurisht që situata do të vlerësohet ditë pas dite, pas operacionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
