.png)
Sadiku pranë rikthimit në Shqipëri, ka një derbi mes Tiranës dhe Partizanit për sulmuesin
Gazeta Si – Pas gati 12 vjetësh, sulmuesi i Kombëtares, Armando Sadiku, mund të kthehet në futbollin shqiptar. Nëse ai vendos përfundimisht për rikthimin, mund të zgjedhë mes fanellës së Tiranës dhe Partizanit.
Ka një derbi në merkato për sulmuesin 32-vjeçar, i cili së fundi është rikthyer në Kombëtare nga trajneri Silvinjo, pas kishte munguar për një kohë të gjatë. Sadiku ka mbyllur bashkëpunimin me skuadrën e fundit, Kartagjenën në Spanjë. Tani kërkon një sfidë të re në fundin e karrierës.
Si Partizani, ashtu edhe Tirana, po kërkojnë një qendërsumlues me eksperiencë dhe Sadiku shihet si një alternativë e mirë, edhe pse mund të ketë kosto të lartë. Këto ditë do të jenë vendimtare për të ardhmen e lojtarit.
Në futbollin shqiptar Sadiku ka veshur fanellat e Turbinës, Gramozit dhe Elbasanit. Ai ka kaluar shumë skuadra në karrierë, duke e provuar fatin në Zvicër dhe Spanjë me disa skuadra të ndryshme, por ka luajtur edhe në Poloni, Turqi, madje edhe në Amerikën e Jugut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
