Qindra protestues raportohen se janë arrestuar nga ana e policisë në protestën e së shtunës, të organizuar në më shumë se 60 qytete të vendit.
Protestuesit kërkuan lirimin e opozitarit Alexei Navalny, i arrestuar pas rikthimit në atdhe nga Gjermania. Navalny u arrestua me akuzën e shkeljes së vendimit për detyrim paraqitjeje, pasi për javë me radhë u kurua në Gjermani pas një tentative helmimi.
Navalny dhe mbështetësit e tij kanë akuzuar autoritetet ruse se qëndrojnë pas kësaj përpjekjeje për ta eleminuar.
Protestat u thirrën përmes rrjeteve sociale dhe ato u mbajtën në më shumë se 60 qytete të vendit, duke përfshirë këtu edhe qytetin Yakutsk me temperatura deri -50 gradë celcius.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
