Megjithë fatkeqësinë natyrore të tërmetit të 26 nëntorit që shkaktoi pasojat e veta në ekonomi, investimet e huaja direkte kanë arritur nivelin më të lartë historik në fund të vitit 2019.
Të dhënat më të fundit të Bankës së Shqipërisë tregojnë se investimet nga jashtë për vitin e shkuar arritën në 1 miliard e 85 milionë euro. Në tremujorin e fundit kanë qenë 275 milion euro.
Investimet që prej vitit 2018 janë rritur nga viti në vit me 63 milion euro, duke kapur një rritje vjetore 6%.
Në të njëjtën kohë, Agjencia e Investimeve të Huaja thotë se po bisedohet me kompani të huaja të cilat kanë shprehur interes për të ardhur në Shqipëri për prodhimin e pjesëve automobilistike dhe të hoteleri-turizmit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.