Në mbyllje të mandatit të saj si Ambasadore e BE në vendin tonë, Romana Vlahutin është shpallur sot qytetare nderi e Vlorës.
Lajmi bëhet i ditur në faqen zyrtare të delegacionit të BE-së, e cila e ka shpërndarë lajmin në “Twitter”, bashkë me foto të ceremonisë së zhvilluar në qytetin e Vlorës.
Çmimi iu dorëzua nga kryebashkiaku i qytetit bregdetar, Dritan Leli. Si dhuratë për Vlahutin ai kishte dhe një tablo me perëndimin e diellit në Lungomare.
Gjatë fjalës së saj ambasadorja është shprehur: “Nuk ka përparim pa sakrifica, por nuk ka as progres pa ëndërruar, kemi të njëjtën histori europiane dhe të ardhme europiane, jam krenare dhe mirënjohëse”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.