.png)
Gazeta Si - Ka mbërritur në Tiranë edhe Roma, skuadra tjetër finaliste e Ligës së Konferencës. Kumbulla me shokë kanë shkelur në tokën shqiptare.
Vetë klubi italian ka postuar në kanalet zyrtare një video të mbërritjes së skuadrës në aeroportin e kryeqytetit shqiptar. Roma është stërvitur sot paradite në qendrën e saj stërvitore, ndaj dhe ka ardhur në Tiranë më vonë se Fejnordi.
🐺 #ASRoma 🛬🇦🇱 #UECLfinal pic.twitter.com/baLePlEF1P
— AS Roma (@OfficialASRoma) May 24, 2022
Në kryeqytet ndërkohë ka marrë vëmendje një banderolë e madhe dedikuar trajnerit Zhoze Mourinjo. Në këtë banderolë, ku shfaqet trajneri portugez me një vmotor vespa, shkruhet: “Mirë se erdhe në Romën e vogël”.
Një pritje të veçantë do të ketë në Tiranë për Romën dhe trajneri e njohur. Shumica e shqiptarëve do të bëjnë tifo për ekipin italian, ku luan edhe mbrojtësi kuqezi, Marash Kumbulla.
Pasi lojtarët e Romës të vizitojnë terrenin e stadiumit “Air Albania”, trajneri Mourinjo dhe dy lojtarë do të dalin në konferencë shtypi. Dhoma e Romës në këtë stadium është bërë gati tashmë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
