.png)
Roma ka prezantuar afrimin e ri në merkato, mbrojtësin Davide Zapakosta. I ardhur nga Çelsi në formën e huazimit, Zapakosta pritet të jetë një afrim i rëndësishëm në merkaton e verdhekuqve. Por me këtë afrim të rëndësishëm, Roma i është bashkuar një kauze sociale. Klubi italian bashkë me videon e prezantimit të Zapakostës ka paraqitur edhe fotot e disa fëmijëve të humbur nga e gjithë bota.
"Këtë verë Roma mbështet nismën për të gjetur fëmijët e humbur në të gjithë botën", shkruhet në postimin e klubit italian për zyrtarizimin e Zapakostës.
Pjesë e kësaj liste të Romës janë shfaqur edhe dy fëmijë shqiptarë. Kadri Rexha dhe Bleona Mata janë dy të mitur shqiptarë që kanë humbur prej disa vitesh dhe kërkohen nga familjet e tyre. Bashkë me fotot e tyre, Roma ka paraqitur edhe disa gjeneralitete të këtyre fëmijëve, si dhe një numër telefoni italian, ku mund të njoftojnë të gjithë ata që duan të japin informacione.
Rasti i Bleona Matës është shumë i njohur në mediet shqiptare. Ajo ka humbur kontaktet me familjen që nga viti 2010. Zhdukja e vajzës nga Kukësi ka pasur një pasqyrim shumë të madhe në mediet shqiptare dhe ato të huaja, për shkak të përfshirjes së disa eksponentëve të krimit dhe gjetja e saj është bllokuar gjithmonë në fazën finale. Ajo ishte duke luajtur me shoqet e saj pranë shtëpisë në mëngjesin e 22 majit 2010, por nuk u kthye më. Nëna e saj që vijon të kërkojë në çdo mënyrë të mundshme, në disa dalje televizive ka hedhur edhe akuza për njerëz të afërt në fshat që kanë gisht në zhdukjes e Bleonës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
