.png)
Policia e Durrësit ka arrestuar administratorin dhe inxhinierin e firmës ndërtuese të një pallati, ku mbrëmjen e kaluar humbi jetën roja 62-vjeçar, teksa ra aksidentalisht nga kati i dytë.
Policia thotë se janë vënë në pranga shtetasit A. J., 47 vjeç, banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin.
Siç njofton policia, këta shtetas akuzohen për shkelje të rregullave në punë, pasi mbrëmjen e kaluar, rreth orës 23:18, në një objekt në ndërtim, humbi jetën aksidentalisht shtetasi Th. R., 62 vjeç, i punësuar si rojë pranë këtij objekti.
Këta shtetas rrezikojnë të dënohen deri në 10 vjet burg.
Materialet i kaluan Prokurorisë së Rrethit Gjyqësor Durrës, për veprën penale “Shkelja e rregullave të mbrojtjes në punë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
