.png)
Nga Gazeta 'SI' - Kryeministri Edi Rama ka njoftuar se fushata e rivlerësimit të banesave, propozuar nga vetë qeveria, do të jetë e fundit dhe norma e tatimit do të jetë 5%.
Kreu i qeverisë shtoi se për më shumë se 1 muaj do të jenë gati edhe çmimet e referencës për qytetet e tjera dhe vijën bregdetare.
“Ne e kemi bërë dy herë këtë proces. Në thelb është një amnisti. Ka kosto të rëndësishme për buxhetin e shtetit. Kur bëhet rivlerësimi atëherë shmanget tatimi 15% për shitjet në vijim. Duke qenë se e para u bë se nuk ishin referencat e reja, sot me referenca të reja, mund t’ju japim të drejtë qytetarëve të kenë një shans të fundit. E rëndësishme është të konkludojë referencat edhe për qytetet e tjera dhe bregdetin. Brenda 45 ditëve e konkludojmë.
Rivlerësimi do të jetë 1 vit, fund shtatori me fund shtatori. Hera e parë ishte 1%, e dyta 3%, i treti dhe i fundit me 5%”, tha Rama.
Ai i bëri thirrje bashkive që të komunikojnë me qytetarët që të mos e humbasin këtë shans për të rivlerësuar dhe formalizuar pasuritë e tyre, pasi nuk do të ndodhë më.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
