.png)
Gazeta Si – Grupimet ultras të Gallatasarajit, Beshiktashit dhe Fenerbahçes kanë harruar rivalitetin sportiv dhe janë bashkuar pas tërmetit të fortë që goditi vendin. E kishin bërë këtë gjë edhe 10 vjet më parë…
Të bashkuar. Tifozët ultras të tre klubeve më të mëdha të Turqisë kanë lënë mënjanë përplasjet sportive pas tërmetit të fuqishëm që goditi vendin, duke shkaktuar vdekjen e mijëra njerëzve. Humbi jetën edhe Ejup Turkaslan, portieri i Malatiasporit, ndërsa Kristian Atsu, ish-lojtar i Çelsit, u gjet i gjallë nën rrënoja.
Tifozët ultras të tre klubeve kanë postuar një foto së bashku, një simbol i unitetit pas asaj që ndodhi në vend ditët e fundit. Ata po ndihmojnë në ndarjen e ndihmave për ata që kanë humbur shtëpitë nga tërmeti.
Tifozët turq kanë bërë të njëjtën gjë edhe në 2013-ën, kur protestohej ndaj qeverisë Erdogan nga 28 maji deri më 30 gusht në Stamboll, në shehin Taksim.
Në atë kohë, grupimet ultras të ‘Carsi’ (tifozët e Beshiktashit), ‘Ultra Aslan’ (tifozët e Gallatasarajit) dhe ‘Sol Acik’ (tifozët e Fenerbahçes), u bashkuan kundër presidentit aktual turk. Këtë herë situata është tjetër, tifozët janë bashkuar mes dhimbjes për jetët e humbura nga tërmeti i pamëshirshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
