.png)
Nga Gazeta Si- Projekti i studios zviceranes“Herzog & de Meuron Basel Ltd”, u përzgjodh mes pesë propozimeve të paraqitura nga studio ndërkombëtare të arkitekturës, në konkursin për rikualifikimin e Pallatit të Kongreseve, kështu, një kullë shumëkatëshe deri në 255 metra lartësi, do t’i shtohen Pallatit të Kongreseve.
Juria ndërkombëtare e vlerësoi në mënyrë unanime projektin fitues si një vepër që nderon Pallatin e Kongreseve.
Kryetarja e jurisë, Mari Randsborg, tha se projekti i përzgjedhur ka potencialin të japë një kontribut në zhvillimin e Tiranës dhe të krijojë vlerë për brezat e ardhshëm.
Projekti fitues parashikon transformimin e kompleksit përmes ndërhyrjeve minimale në godinën ekzistuese dhe ndërtimin e kullës ku në pjesën e sipërme parashikohet një restorant dhe një pishinë me pamje mbi qytetin.
“Juria i bën thirrje ekipit që të marrë në konsideratë lartësië e kullës, vendndodhjen e saj me gjithçka rreth e rrotull, si dhe hapësirën lart, që dukej pak informale dhe e vogël. Shpresojmë si ekip do të bashkëpunoni me qytetin në mënyrë si të përmirësohen dhe zgjerohen hapësirat publike”, tha Kryetarja e jurisë, Mari Randsborg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje