.png)
Shtëpia e Bardhë reagoi pas thirrjeve të republikanëve, të cilët i kërkuan Joe Biden të japë dorëheqjen edhe nga President, pasi u tërhoq nga kandidimi për një mandat të dytë përballë Donald Trump. Anëtarë të Kongresit, përfaqësues nga radhët e republikanëve i kërkuan Biden të largohet nga Presidenca.
“Presidenti Biden trashëgoi një ekonomi në rënie të lirë, një shkallë të lartë të krimit të dhunshëm dhe aleanca të shkatërruara nga paraardhësi i tij. Ai e ktheu atë për të dhënë rritjen më të fortë ekonomike në botë dhe shkallën më të ulët të krimit të dhunshëm në gati 50 vjet, duke e bërë NATO-n më të madhe se kurrë. Ai mezi pret të përfundojë mandatin e tij dhe të japë rezultate më historike për popullin amerikan”, tha zëdhënësi i Shtëpisë së Bardhë Andrew Bates në një deklaratë për CNN.
“Kjo përfshin vazhdimin e uljes së kostove, krijimin e vendeve të punës dhe mbrojtjen e Sigurimeve Shoqërore duke qëndruar kundër agjendës së MAGAnomics që do të përkeqësonte inflacionin dhe do të na çonte në recesion. Dhe ai do të vazhdojë të luftojë për të mbrojtur liritë e amerikanëve nga ndalimet radikale të abortit dhe sulmet ndaj shtetit të së drejtës”, tha ai më tej.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
