.png)
Gazeta Si - Maks Vershtapen studioi Ferrarin në fillim dhe më pas mori komandën e garës së Moncës, duke kaluar Sainz, i cili ishte nisur i pari. Kampioni në fuqi i Formulës 1 ka përsëritur fitoren e 12 muajve më parë në këtë pistë dhe ka koleksionuar fitoren e 10-të radhazi. Rekord absolut!
Me një garë solide dhe në progresion, Serxhio Perez ka kompletuar dopietën e Red Bull-t në Monca. Ferrarit i mbeti të kënaqet me shkallën e tretë të podit në 6 xhirot e fundit. E arriti atë Karlos Sainz, që mposhti shokun e skuadrës Sharl Leklerk, në vend të 4-t francezi, para dy makinave Mercedes të Rasëll dhe Hemilton.
🏁 CLASSIFICATION (LAP 51/51) 🏁
— Formula 1 (@F1) September 3, 2023
A classic in Monza, and here's how we crossed the line 👇#ItalianGP #F1 pic.twitter.com/NxmRPjoD5C
Holandezi e sulmoi më fort Sainzin në xhiron e 14-të, por spanjolli rezistoi. Më pas e kishte të pamundur dhe i dorëzoi kampionit në fuqi kryesimin e garës. Vershtapen shtoi ritmin dhe avantazhin ndaj makinave Ferrari, ku Leklerk pati probleme me gomat.
Francezi u ndje gjithmonë e më shumë nën presionin e Perez, që e kaloi në xhiron e 32-të. Meksikani pastaj kaloi edhe Sainz, duke lënë dy Ferrarit të luftonin për vendin e 3-të, ku spanjolli rezistoi me të gjitha mënyrat ndaj francezit. Ka përfunduar kështu kjo garë me dopietën e Red Bull-it. Albon rezistoi ndaj Norris për vendin e 7-të, Alonso i 9-ti, përpara Botas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
