.png)
Presidenca nuk ndalet në reagimet e saj pas publikimit të draft raportit të komisionit të Venecias, ku theksohet se presidenti me anulimin e datës së zgjedhjeve 30 qershor ka shkelur Kushtetutën, pasi nuk ekziston një kompetencë e tillë në ligjin themeltar të shtetit shqiptar. Përpos faktit se nuk e njohin si dokument zyrtar, Presidenca po nxjerr edhe aludime se ka po ka edhe nxjerrje të sekretit.
Zëdhënësi i Presidencës, Tedi Blushi postoi sot një video ku deputetja socialiste Mimi Kodheli fliste për një informacion që Venecia kishte konstatuar se presidenti ka kryer shkelje. Kjo deklaratë ishte lëshuar nga Kodheli më 10 shtator në studion e Neës 24.
“Besoj se në këtë proces do na ndihmojë Komisioni i Venecias i cili për çka jam informuar mendon se ka një shkelje të Kushtetutës" deklaron Kodheli në video.
Videoja shoqërohet dhe me batutën: "Kur Mimi nxjerr sekretin para kohe…ha, ha" . Dje zëdhënësi i presidentit tërhoqi vëmendjen tek data. Draft raporti u publikua në në datën 27, por në fakt në kopertinë shënohet se do të publikohej në 29 shtator.
“ Nuk komentojmë asnjë dokument të klasifikuar që na vjen nga institucione të ndryshme, përfshi edhe Komisionin e Venecias. Aq më tepër që sot është data 27 shtator 2019, ndërsa ky dokument mban datën 29 shtator 2019. Jemi të paqartë: është “ngatërresë” nga nxitimi, apo në datën 29 shtator 2019 do vijë një dokument tjetër? Sa i takon çështjes në fjalë, qëndrimi im i mëparshëm është shumë i qartë:Zero shkelje të Kushtetutës!”, theksoi Blushi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
