Kryeministri Edi Ramane dha mesazhin në ditën e dytë të shtetrrethimit për të mos dalë nga shtëpia. Në këtë mesazh kryeministri shpreh mirënjohjen për respektimin e këtij rregulli, duke paralajmëruar edhe lëvizjes e reja të lëvizjes së njerëzve.
14.428 familje në nevojë janë ndihmuar sipas tij me ushqime. "Operacioni humanitar ka ndihmuar në 72 orët e fundit 14428 familje më në nevojë. 11089 familje me ndihma ushqimore; 1203 familje me medikamente dhe 2136 të tjera për nevoja të tjera urgjente", shprehet Rama.
Ndërsa ka theksuar se të hënën do të ketë një orar të ri të lëvizjeve. "Nesër në 05:00 të mëngjesit do të rihapet qarkullimi për ata që shkojnë në punë dhe do të keni 8 orë për të bërë pazar. Shoh që ankoheni për oraret. Keq kur ishin dy orare, keq me një orar më të zgjatur, mesa duket nuk po kuptohemi akoma. Këto orare nuk janë për qejf, as për komoditetin e njerëzve, por janë të imponuara nga nevojat e përballimit të një luftë të madhe si kjo që kërcënon të marrë me mijëra njerëz me vete", u shpreh Rama.
Për zgjatjen e orarit dhe mos përdorimin me dy fasha daljeve, kryeministri edhe lidh me faktin se nuk duan që njerëzit të dalin në 10:00 dhe të mbushin tregjet plot, duke mos dal në rrugë të shoqëruar dhe të mbajnë rradhët siç duhet dhe të shkojnë në shtëpi.
"Çfarë lidhje kanë oraret me rrugët e mbushura plot, dhe tregjet plot, por të ecim të mbarojmë punë të mbajmë radhë rresht, të durojmë të presim derisa të mbarojmë punë. Disa thonë të mbyllemi dy javë mos të dalë asnjëri, po për të ngrënë si do ia bëjmë? Pse të mos zbatojmë rregullat, pse të mos jemi rigoroz në këtë luftë, dhe si mund të mos na mjaftojnë 8 orë për pazaret, medikamentet dhe të kthehemi në shtëpi? Nuk duam të zgjohemi herët dhe duam të turremi të gjithë në orën 10:00 nëpër dyqane e tregje. Kjo mënyrë nuk shkon fare në këtë luftë, dhe ne nuk do ta lejojmë. Grumbullimet pa rregull, radha, xhirot nëpër rrugë, janë të paligjshme, të rrezikshme, dhe të patolerueshme në këtë luftë", tha kreu i qeverisë.
Ai shtoi se forcat e rendit dhe të ushtrisë nuk do të tolerojnë asnjë grumbullimet dhe xhirot janë të paligjshme. "Duhet të adapotohet me këtë orarin e ri dhe me ndryshimet e reja dhe të vazhdueshme. Mos na tupëroni pash Zotin, tamam për mustaqet e Ccelos. Bëheuni të gjithë ushtarë në frontin e vet, dhe mos merrni jetë njerëzisht përmes pakujdesisë sonë", theksoi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.