Kryeministri Edi Rama gjatë komunikimit e përditshëm nëpërmjet rrjeteve sociale ka dhënë një paralajmërim të fortë ndaj atyre që do të shkelin shtetrrethimi i vendosur, ku për rreth dy ditë shqiptarët duhet të qëndrojë në karantinë. Pas orës 13:00 të ditës së shtunë, deri të hënën në ora pesë e mëngjesit askush nuk duhet të dalë nga shtëpia. Kreu i qeverisë bëri paralajmërimin e fortë se asnjë nuk do të lejohet të dalë në rrugë dhe sa ka mbështetur propozimet e policisë dhe të ushtrisë që të përdorin forcën e ligjit, duke i shpërndarë njerëzit duke pëdorur me makinat e ujit e të gazit lotsjellës. Pra sipas tij ndaj këtyre tradhtarëve nuk do të ketë tolerime dhe do të veprohet paqësisht.
"Polica e ushtria do të mbikëqyrin çdo lagje në Tiranë dhe Durrës ku kemi zonën më të kuqe, si dhe çdo zonë urbane duke fotografuar dhe duke futur në listë të zezë tradhtarësh këta individë që do ta paguajnë shtrenjtë dhe çdo thyerje e ligjit të luftës do të jetë një barrë e rëndë për ta se do tu hiqet çdo ndihmë shtetërore dhe do tu hiqet çdo ndihmesë nëse janë në shtëpi e duhej të ishin në punë, çdo ndihmë financiare për 1 vit nëse nuk kanë punë, çdo lloj ilaçi nëse janë edhe pensionistë, çdo lloj burse për studentët. Një pakicë fare e vogël të pabindurish, që janë të mjaftueshëm për të marrë në qafë gjithë popullin do të konsiderohen tradhtarë lufte. Dua t'ju informoj se të gjitha forcat e rendit, nga polici i lagjes, deri tek forcat më speciale, janë të vendosura të përdorin forcën dhe të gjitha mjetet në rast shkelje ligji në tubime të paligjshme deri tej uji e gazi lotsjellës.", tha Rama.
Kryeministri gjithashtu bëri të ditur se as farmacitë nuk do të lejohen të jenë të hapura pas orës 13:00, i vendosur si afati i vendosjes së shtetrrethimit. Ai dha shifrat drastike e të vdekurve në Itali dhe në Spanjë. "Shikoni Kroacia po planifikon të kthejë në një spital stadiumin e futbollit të Zagrebit. Imagjinoni ju që stadiumi ynë Air Albania të kthehet në një karantinë vetëm për disa të pabindur. Spanja shihni shifrat e saj të të vdekurve nga koronavirusi, ndërkohë që një javë më stadiumi Bernabeut ishte i mbushur me 100 mijë tifozë. Shikoni Italinë", theksoi Rama.
Ai i ka dhënë përgjigje edhe komente të shumta të njerëzve që i janë ankuar për këtë izolim të ri, duke iu shprehur se në mesazhet telefonike se njerëzit po vdesin për bukë.
Ai tha se në orën 19:00 është paralajmëruar që vlonjatët të dalin në ballkone dhe të shajnë virusin nga motra. “Deri të hënën në orën 5 të mëngjesi asnjë hap larg shtëpisë. Më shkruajnë nga Vlora se kanë vendosur të dalin në ballkon ne 7 të shajnë virusin nga motra. Se di si duruan kaq gjatë që s’u morën me motrën e kompetentin. Unë bashkohem sot dhe u jap mbështetjen time si deputet i Vlorës, me kusht që ta bëjnë nga ballkoni dhe mos të bëjnë hap jashtë derës së shtëpisë. Ne të tjerët duhet të bëjnë ritualin në shtëpi dhe t’u tregojmë vendin këtyre tradhtarëve të kësaj pakice të vogël që po na prish punë dhe tu japim njëri-tjetrin ndihmën e nevojshme shqiptarëve. Rrugë tjetër nuk ka dhe kush kërkon rrugë tjetër mund t’i bjerë murit me kokë për mos të dalë nga shtëpia.”, tha Rama.
Aktualisht në Shqipëri numri i të prekurve nga koronavursi ka shkuar në 76, ku ka 6 raste të reja. Si rezultat i të prekurve nga kjo pandemi në Shqipëri janë shënuar dy të vdekur e ndërsa dy janë të shëruar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.