Kryeministri Edi Rama do të marrë pjesë në samitin e Këshillit të Bashkimit Europian, pas lajmit të dhënë nga Oliver Varhelyi se Bullgaria do të heqë veton ndaj Maqedonisë së Veriut.
“Do të marrim pjesë në takimin e Këshillit të BE. Nuk do të ketë shumë për të dëgjuar për ne, por ne do të kërkojmë që të dëgjohemi mbi idenë e një komunitetit të ri politik europian, që ne e mbështesim, por Ballkanin e Hapur, që shtyn përpara shpirtin e Europës dhe për pengmarrjen bullgare ndaj nesh, që e shkatërron këtë shpirt të Europës”, shkruan Rama.
Pavarësisht se lajmi i heqjes së vetos bullgare është dhënë nga Komisioneri i Zgjerimit, Oliver Varhelyi, Rama shprehet sërish pesimist.
“Sapo dëgjova që diëka po lëviz sot në Bullgari. Shumë shpejt për të qenë optimist dhe shumë pak për të ndryshuar pjesën e fjalimit të nesërm, ku Bullgaria kritikohet si një vend që ka marrë peng dy vende anëtare të NATO-s teksa në kufijtë e Europës zhvillohet një luftë”, thotë ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.