Politike

Rama paralajmëron mediat: Mos na bëni atë që as imagjinata nuk ua rrok

Kryeministri Edi Rama me anë të një postimi në rrjetet sociale u ka bërë thirrje sërish medieve që të jenë të kujdesshme në transmetimin e lajmeve. “Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!”, shkruan Rama në Twitter.

Kryeministri ka lëshuar një tjetër paralajmërim, duke theksuar se mund të ndërmarrë akte që nuk i shkon ndërmend në imagjinatë. “Gjatë periudhës së gjendjes së jashtëzakonshme të fatkeqësisë natyrore, Japonia ka masa ekstreme për mediat private, që mesa duket edhe në Japoninë e urtësisë së vjetër, paskan qenë taksirat mbi taksiratin e madh të tërmetit! Mos na detyroni të bëjmë atë që s’ua rrok imagjinata!”, shkruan Rama në rrjetet sociale.

Rama edhe më herët ka sulmuar analistët e medieve ndaj qëndrimeve që kanë mbajtur për përballimin e situatës së krijuar nga tërmetet, duke i kërkuar që të mos hidhnin helme.

 

Më Shumë