Serbia është ndër vendet udhëheqëse në botë sa i përket vaksinimit të popullsisë kundër Covid-19. Por si ja doli? Strategjia e barazlargësisë diplomatike mes lindjes dhe perëndimit e ka ndihmuar Qeverinë serbe që të sigurojë një koktejl vaksinash për popullsinë.
Nga Pfizer, tek rusja Sputnik V dhe më pas dy kinezet Sinovac dhe SinoPharm, Serbia ka vaksinuar pothuajse 10 për qind të popullsisë sa saj, duke u bërë vendi i tretë në Europë, pas Britanisë së Madhe dhe Maltës dhe duke u renditur në 10 vendet e para në botë në këtë proces.
Në gjithë këtë proces, Serbia është shumë para vendeve të rajonit, ku vaksinimi nuk ka nisur ende, si në Kosovë, Maqedoninë e Veriut dhe Mal të Zi, ose ku ka nisur në sasi të kufizuara si në Shqipëri, vende që i varën shpresat tek mekanizmi Covax i Organizatës Botërore të Shëndetësisë.
Vonesat e Covax kanë nxitur shumë vende që t’u drejtohen prodhuesve të tjerë të vaksinës, si në rastin e Maqedonisë së Veriut dhe Malit të Zi, ndërsa Shqipëria ka njoftuar se është në bisedime me kompaninë AstraZeneca.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
