.png)
Qeveria ka miratuar projektligjin qe heq tatim-fitimin per bizneset me xhiro vjetore deri ne 14 milionë lek.
Vendimi është marrë në mbledhjen e së mërkurës dhe pritet që të kalojë për miratim në Kuvend në një nga dy seancat e fundit të Kuvendit për këtë sesion.
Nga ky projektligj përfitojnë vetëm bizneset me xhiro vjetore nga 5 deri në 14 mln lek në vit. Për bizneset mbi këtë fashë, sipas propozimit të Qeverisë tatim-fitimi mbetet i pandryshuar në 15 përqind, ndërsa bizneset nën 5 mln lek xhiro vjetore e kanë pasur zero tatim-fitimin edhe para këtij ndryshimi.
Ndryshimet parashikohen që të hyjnë në fuqi më 1 janar 2021. Megjithatë, nga kjo lehtësi e krijuar për shkak të pandemisë përfiton një numër relativisht i vogël biznesesh, por që në analizat e Qeverisë konsiderohen si më të rrezikuarit nga kriza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
