.png)
Presidenti rus, Vladimir Putin akuzoi Perëndimin për “shtrembërim” të marrëveshjes së eksportit të grurit të Detit të Zi por siguroi se Moska do t’i rikthehet menjëherë asaj nëse përmbushen kërkesat e saj.
“Ne do të shqyrtojmë mundësinë e kthimit (në marrëveshje), por me një kusht: nëse ato merren parasysh dhe zbatohen, pa asnjë përjashtim”, tha Putin para kabinetit, takimi i të cilit u transmetua në televizion.
Ai shtoi se zgjatja e marrëveshjes nuk kishte kuptim, duke akuzuar Perëndimin se e përdor atë si një mjet “shantazhi politik”.
“Në vend që të ndihmonte vendet në nevojë reale, Perëndimi e përdori marrëveshjen për shantazh politik dhe e ktheu atë në një mjet për pasurimin e shumëkombësheve, spekulatorëve në tregun botëror”, tha ai.
Autoritetet ruse më 17 korrik kanë konfirmuar se nuk do të zgjasin marrëveshjen për të lejuar eksportin e grurit në Detin e Zi.
Marrëveshja, e cila u ndërmjetësua nga OKB-ja dhe Turqia ka garantuar sigurinë e anijeve me grurë që shkojnë drejt dhe nga portet ukrainase përmes ujërave që kontrollon Rusia që kur u nënshkrua në korrik të vitit të kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
