Pesëdhjetë punonjës të transportit publik në Vlorë kanë dalë sot në protestë.
Ata kanë protestuar pasi nuk kanë marrë ende pagën e luftës, të premtuar nga kryeministri Edi Rama.
Punonjësit e transportit publik e kanë zhvilluar këtë protestë para Prefekturës së Qarkut të Vlorës.
“Jemi 3 muaj pa punë. Duam pagën e luftës që na është premtuar. Duam të dimë se çfarë do të bëhet me ne”, kanë thënë punonjësit.
Punonjësit e transportit publik të qytetit bregdetar shprehen se kanë kaq kohë pa punë për shkak të pandemisë dhe për rrjedhojë gjendja e tyre ekonomike është vështirësuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.