Gazeta Si – Ylli argjentinas, ashtu siç pritej, i ka dhënë lamtumirën PSG-së dhe është gati të pranojë një ofertë faraonike nga Arabia. Ksavi dhe Barcelona në anën tjetër shpresojnë për rikthimin.
“Këtu dyert janë të hapura", - kishte thënë pak ditë më parë Ksavi, trajneri i Barcelonës, por Lionel Mesi ka zgjedhur Arabinë Saudite. E përditshmja katalanase ‘Sport’, duke cituar burime brenda klubit spanjoll, praktikisht njofton se Al Hilal do të firmosë me 35-vjeçarin më 6 qershor. Megjithatë, te Barcelona nuk dorëzohen.
Paris Saint-Germain would like to warmly thank the seven-time Ballon d'Or, winner of a Trophée des Champions and two French championship titles wearing the Red & Blue colors.#MerciMessi 🔴🔵 pic.twitter.com/VrHxb5lCHM
— Paris Saint-Germain (@PSG_English) June 3, 2023
“Përparësia është e qartë, kam folur me Mesin dhe dua që ai të kthehet. Varet prej tij”, - është shprehur Ksavi. Mesi ndërkohë ka përshëndetur klubin parisien: "Jam i lumtur që kam përfaqësuar PSG-në dhe jam argëtuar vërtet, duke luajtur me këtë skuadër dhe me këta lojtarë të mëdhenj”, - ka thënë argjentinasi për ESPN. – Dua të falënderoj klubin për këtë eksperiencë të mrekullueshme në Paris".
Mesi është bindur nga një kontratë faraonike nga arabët, që i sjell atij 400 milionë euro në sezon, dyfishin e asaj që fiton Kristiano Ronaldo tek Al Nasr. Barcelona në fakt nuk është në gjendje t’i bëjë një ofertë formale ish-lojtarit të saj, duke ditur problemet ekonomike.
PSG ndërkohë zyrtarizoi lamtumirën e Mesit me një njoftim, ku mes të tjerash shkruhej: "Pas 2 sezonesh në kryeqytet, aventura e Leo Mesit te PSG përfundon në fund të sezonit 2022/23. Klubi e falënderon 7 herë fituesin e ‘Topit të Artë’, fitues me fanellën tonë i një Superkupe të Francës dhe 2 titujsh në Ligue 1".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.