.png)
Të enjten maturantët kanë nisur provimin e tyre të parë, gjuhën e huaj, e cila është e përzgjedhur sipas shkollave (anglisht, italisht, gjermanisht, spanjisht, frëngjisht)
Në provim kanë marrë pjesë rreth 34.000 maturantë të cilët janë ndarë në 208 qendra. Ndërkaq, në Ministrinë e Arsimit nuk është raportuar ndonjë nxënës apo mësues nën gjendjen e Covid-19.
Ekspertët Qendrës së Shërbimit të Arsimit kanë përpiluar përmbajtjen e testeve dhe i kanë shpërndarë në të gjitha shkollat. Ndërkohë maturantët të cilët rezultojnë me Covid-19 nuk hyjnë në provime këtë sezon dhe për ata do të mund t’i japin provimet në sezonin e vjeshtës.
Njëjtë si vitet e kaluar dhe siç kanë shpjeguar ekspertët e arsimit përmbajtja e provimit të gjuhës së huaj është hartuar në nivelin B2. Ndërkaq, mësuesit nëpër shkolla kanë shpjeguar se rregullorja e provimeve ndryshon edhe këtë vit për shkak të gjendjes së Covid-19 dhe nxënësit duhet të paraqiteshin një orë më para se të realizohet provimi. Provimet nisën në orën 10:00 dhe do të përfundojnë në 12:30. Edhe pse këtë vit pjesa më e madhe e mësimit u zhvillua online, nuk do të ketë reduktim të programit mësimor. Qendra e Shërbimeve Arsimore ka rikthyer pyetjet me zhvillim dhe esenë për testet e gjuhës shqipe dhe gjuhës së huaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
