Një grup emigrantësh të drejtuar dhe organizuar nga Genc Sejko, kanë nisur protestën në ditën e dytë para Kryeministrisë.
Ndërkohë, një grup i vogël banorësh të Bregut të Lumit iu bashkuan protestës para Kryeministrisë.
Shtëpitë e banorëve preken nga projekti i zgjatimit të Bulevardit të ri. Por ata janë të vendosur se nuk do të largohen nga shtëpitë e tyre, pa marrë dëmshpërblimin.
Protestës së emigrantëve shqiptare dje iu bashkuan edhe një grup studentësh si dhe banorët e zonës së Unazës së Re, ku këta të fundit kundërshtojnë shembjen e banesave të tyre.
Ndonëse Drejtoria e Policisë së Tiranës nuk u dha leje emigrantëve për protestën, ata përcollën mesazhe kundër krimit, korrupsionit dhe varfërisë në vend. Një prej kërkesave të diasporës është edhe vota e tyre në zgjedhje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.