.png)
Një grup artistësh dhe aktivistësh të Aleancës për Mbrojtjen e Teatrit u mblodhën këtë të enjte para godinës së Prokurorisë së Posaçme për të protestuar dhe bërë thirrje kësaj prokurorie që të arrestojë kryetari dhe nënkryetarin e Bashkisë së Tiranës për shpërdorim detyre dhe korrupsion.
AMT kërkon gjithashtu që të ndalohet menjëherë puna tek zona ku u shemb godina dhe Teatri Kombëtar të rindërtohet siç ka qenë, po në të njëjtin vend.
LEXO EDHE:
- A do kthehet Aleanca për Teatrin në lëvizje politike? Budina: Kemi planet tona
- Kronologjia e një dite që do të mbahet mend gjatë
- Protesta/ Peticion qytetar: Teatri ku ishte, siç ishte! Fjalën e ka sheshi
“Së pari, kërkojmë marrjen e masës; sekuestro preventive dhe pezullim të punimeve. Kërkojmë marrjen e masës; arrest me burg për shtetasin Erion Veliaj, me funksion kryetar bashkie, i akuzuar për ‘shpërdorim detyre’ dhe ‘korrupsion pasiv’. Arrest me burg për Arbjan Maznikun me funksion nënkryetar i bashkisë, akuzuar për shpërdorim detyre dhe korrupsion. Kryetari i bashkisë Veliaj dhe nënkryetari i bashkisë, Mazniku kanë kryer jo vetëm një vepër kriminale, por i kanë shkaktuar buxhetit të shtetit një dëm të konsiderueshëm”, deklaroi avokatja e AMT-së, Ardiana Kalaja.
Avokatja tha se provat e dorëzuara nga AMT në SPAK janë të mjaftueshme, ndërsa të paditur kanë përfunduar edhe ministri i Brendshëm, Sandër Lleshaj, Drejtori i Policisë, Ardi Veliu dhe ish-ministrja e Kulturës, Mirela Kumbaro. Lleshaj dhe Veliu akuzohen për dhunimin e protestuesve gjatë operacionit për lirimin e godinës dhe në protestën që pasoi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
