Gazeta Si- Prokuroria e Tiranës ka ankimuar në Apel vendimin e Gjykatës së Tiranës që vendosi të lirojë pak ditë më parë nga qelia këngëtaren Enca Haxhia, e akuzuar për kultivim kanabisi në ballkonin e banesës së saj.
Enca aktualisht është me masë sigurie detyrim paraqitje, pasi gjykata vendosi javën e kaluar që ta lirojë dhe të hetohet në gjendje të lirë. Por organi i akuzës kërkon rikthimin e saj në qeli.
27-vjeçarja u ndalua gjatë operacionit ‘Ballkoni’ në shtatorpasi policia zbuloi bimë narkotike të kultivuara në banesën e saj.
Ishin efektivët e komisariatit nr.1 të cilët pasi morën informacione në rrugë operative, kontrolluan banesën e saj në zonën e Saukut.
Në ballkonin e vilës së Haxhiajt, policia gjeti dhe sekuestroi këto 5 vazo të mëdha të mbjella me kanabis. Pas arrestimit, këngëtarja ka dhënë shpjegime duke pohuar se është përdoruese dhe se lëndën narkotike e ka mbjellë vetë për përdorim vetjak.
Vazot me kanabis Enca i mbante brenda në shtëpi, dhe herë pas here i nxirrte në ballkon për të marrë rreze dielli. Para hetuesve këngëtarja ka dhënë shpjegime duke pohuar se është përdoruese dhe se lëndën narkotike e ka mbjellë vetë për përdorim vetjak.
Këngëtarja jeton prej 6 muajsh, pasi ishte kthyer nga jashtë shtetit, në vilën në fjalë që ishte në pronësi të saj, me një shtetas të huaj, i cili ishte aty kur policia ndërhyri.
I pyetur nga hetuesit ai ka pretenduar se nuk ka pasur asnjë dijeni në lidhje me rrënjët e kanabis sativa, ndërsa nuk është kujdesur asnjëherë për to.
Pas marrjes në pyetje i riu është lënë i lirë. Lënda narkotike ishte e varietetit 3 mujor, ndërsa kishte arritur në gjatësi rreth 1 metër dhe ishte afër pjekjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.